1. Skip to Menu
  2. Skip to Content
  3. Skip to Footer>

Профессиональный праздник отметили работники Шумилинского лесхоза

Захавальнікі  лясных  багаццяў
Святочныя мерапрыемствы з нагоды прафесійнага свята – Дня работнікаў лесу – распачаліся ў сераду  11 верасня ў Віцебскай абласной філармоніі, куды былі запрошаны дэлегацыі з кожнага раёна. Дэлегацыю шумілінскіх лесаводаў узначаліў дырэктар Шумілінскага лясгаса Аляксандр Лабынцаў.

Удзельнікаў мерапрыемства з прафесійным святам віншавалі старшыня Віцебскага абласнога Савета дэпутатаў Уладзімір Цярэнцьеў, генеральны дырэктар Віцебскага дзяржаўнага вытворчага лесагаспадарчага аб’яднання Сяргей Даніловіч, іншыя ганаровыя госці.
У гэты дзень многія лепшыя работнікі лясной галіны Віцебшчыны атрымалі заслужаныя ўзнагароды: ганаровыя граматы, знакі, шчырыя словы ўдзячнасці за нялёгкую, але вельмі патрэбную і плённую працу.
У ліку ўзнагароджаных былі і двое работнікаў «Шумілінскага лясгаса». Сяргей Шчалкуноў, памочнік ляснічага 1 класа Казьянскага лясніцтва, узнагароджаны нагрудным знакам Міністэрства лясной гаспадаркі “20 год бездакорнай службы ў дзяржаўнай лясной ахове”. Сяргей Сафончык, памочнік ляснічага Мікалаеўскага лясніцтва ДЛГУ “Шумілінскі лясгас”, атрымаў грамату Віцебскага ДВЛГА.
Дыпломам і каштоўным падарункам быў адзначаны і калектыў установы “Рэдакцыя газеты “Герой працы” Шумілінскага раёна”, які стаў пераможцам абласнога этапа творчага конкурсу на лепшае асвятленне ў сродках масавай інфармацыі і сацыяльных сетках лясной тэматыкі і дзейнасці Міністэрства лясной гаспадаркі.
*   *   *
У пятніцу, 13 верасня, у Лаўжанскім сельскім Цэнтры культуры і вольнага часу прайшоў урачысты сход, прысвечаны Дню работнікаў лесу.

Ганаровую грамату райвыканкама Іосіфу Ярыгу ўручае Ірына Новікава.

Старшыня раённага Савета дэпутатаў Ірына Новікава, звяртаючыся да ўдзельнікаў мерапрыемства, адзначыла, што Шумілінскі лясгас з кожным годам паляпшае свае вытворчыя паказчыкі, прадпрыемства стабільна працуе і развіваецца.

“У нашым раёне лясы займаюць каля 42% плошчы раёна, – падкрэсліла Ірына Мікалаеўна. – Вы на самой справе з’яўляецеся захавальнікамі лясных багаццяў для наступных пакаленняў”.
І. М. Новікава ўручыла Ганаровую грамату раённага Савета дэпутатаў лесніку Казьянскага лясніцтва Васілю Карпаву і Ганаровую грамату райвыканкама  вадзіцелю аўтамабіля па вывазцы лесу Іосіфу Ярыгу.

Работнікі прадпрыемства, якім былі ўручаны нагрудныя знакі Міністэрства лясной гаспадаркі “10 год бездакорнай службы ў дзяржаўнай лясной ахове”, з дырэктарам ДЛГУ «Шумілінскі лясгас» Аляксандрам Лабынцавым.

Павіншаваў з прафесійным святам калег дырэктар Шумілінскага лясгаса Аляксандр Лабынцаў. Кіраўнік прадпрыемства выказаў

калектыву словы шчырай падзякі  за ўменне і жаданне працаваць, за адказнасць і сумленнасць. Аляксандр Сяргеевіч уручыў нагрудныя знакі Міністэрства лясной гаспадаркі “10 год бездакорнай службы ў дзяржаўнай лясной ахове” майстру лесу Мікалаеўскага лясніцтва Дзянісу Маруцьку, леснікам Обальскага лясніцтва Сяргею Васіленку і Віктару Пахоменку, леснікам Мішневіцкага лясніцтва Віктару Аляксандраву і Алегу Пятрову.
Ганаровыя граматы  Віцебскага дзяржаўнага вытворчага лесагаспадарчага аб’яднання былі ўручаны вадзіцелю аўтамабіля па вывазцы лесу Анатолю Галунцову і трактарысту на падрыхтоўцы лесасек, тралёўцы і вывазцы лесу Андрэю Салаўёву.
У гэты дзень была абноўлена Дошка гонару прадпрыемства, куды ўнесены прозвішчы васьмі рупліўцаў Шумілінскага лясгаса. Падчас святочнага мерапрыемства ганаровымі граматамі, граматамі і ўдзячнасцямі Шумі-лінскага лясгаса адзначаны многія работнікі лясной гаспадаркі.
Таксама ўзнагародзіла актывістаў і прафсаюзная арганізацыя прадпрыемства.  Словы ўдзячнасці прагучалі і ў адрас ветэранаў галіны, якія былі запрошаны на ўрачыстасці.
Музычнае суправаджэнне мерапрыемства забяспечылі артысты раённага Цэнтра культуры. Завяршылася мерапрыемства рэтра-канцэртам мінскай групы “GOSTIBAND”.
Алена Карпушэнка.
Аляксандр ШЭДЗЬКО.
Надрукавана ў №73 ад 17.09.2019 г.

Информация

Полезные ссылки

prezident
mlh

flower
sng214

bstu banner_214x117

 

 

 

 

blind