У сакавіку была выяўлена незаконная высечка лесу ў адным з кварталаў дзяржаўнага фонду на тэрыторыі Шумілінскага лясгаса. Для вызначэння асобы, якая ажыццяўляла незаконную высечку, была ўстаноўлена фотапастка. Яе работа не прымусіла сябе доўга чакаць: у адзін з выхадных дзён былі зроблены здымкі браканьера, а на працягу гадзіны ён быў затрыманы. Зараз вядзецца следства.

З 26 красавіка ў сувязі з высокай пажаранай небяспекай на тэрыторыі Шумілінскага раёна была ўведзена забарона на наведванне лясоў. Міністэрства па надзвычайных сітуацыях аказала вялікую дапамогу ў апавяшчэнні грамадзян пра дадзеную забарону праз накіраванні грамадзянам СМС-паведамленняў. Тым не менш, не ўсе ўспрынялі абставіны належным чынам і прадоўжылі наведваць лясныя масівы.

Так у адным з кварталаў Мікіціхінскага лясніцтва ў перыяд забароны былі зафіксаваны фотапасткай трое грамадзян. Вядуцца аператыўна-вышуковыя мерапрыемствы па ўстанаўленні асоб дадзеных грамадзян.

Аляксандр ЛАБЫНЦАЎ,

дырэктар ДЛГУ Шумілінскі лясгас”

Надрукавана ў №43 ад 04.06.2019 г.