1. Skip to Menu
  2. Skip to Content
  3. Skip to Footer>

Сёлета фотапасткамі Шумілінскага лясгаса зафіксавана 15 выпадкаў парушэнняў

Эфектыўныя фотапасткі
Сёлета фотапасткамі Шумілінскага лясгаса зафіксавана 15 выпадкаў парушэнняў.

 

фото носит иллюстративный характер

Асноўнай работай па ахове лесу з’яўляецца прафілактыка правапарушэнняў. З гэтай мэтай Шумілінскі лясгас мае ў сваім распараджэнні 6 аўтаномных камер фотафіксацыі – фотапасткі. Дзякуючы гэтым невялікім устройствам з наяўнасцю модуляў фотафіксацыі і тэлефаніі ёсць магчымасць своечасова выяўляць і фіксаваць правапарушэнні ў лясной гаспадарцы.
Найбольш значнай у 2019 годзе стала фіксацыя незаконнай высечкі на тэрыторыі дзяржаўнага ляснога фонду, па факце якой была ўзбуджана крымінальная справа. Дзеянням вінаватага былі дадзены прававыя ацэнкі, а справа разгледжана ў судзе, дзе вынесена адпаведнае рашэнне ў адносінах парушальніка.
Так, адна фотапастка ў рэжыме чакання працуе больш за 4 месяцы ад аднаго зараду сваіх батарэек. У час руху ва ўстаноўленым радыусе яе агляду яна робіць некалькі здымкаў, якія тут жа адпраўляе спецыялістам лясгаса. Невялічкая каробка абсталявана спецыяльнай камерай з начным бачаннем, датчыкамі руху, цеплавым датчыкам, а таксама спецыяльна распрацаваным алгарытмам работы, што забяспечвае яе належную работу і адсутнасць ілжывых спрацоўванняў на неадушаўлёныя прадметы (выключэнне складаюць транспартныя сродкі і самаходныя ўстаноўкі).
Выявіць такую камеру практычна немагчыма. Разам з тым, у месцах, якія карыстаюцца найбольшай папулярнасцю ў лю-дзей, лясгас устанавіў інфармацыйныя таблічкі пра тое, што ў дадзеным масіве ўстаноўлены камеры фотафіксацыі. Разам з работнікамі лясгасаў у вызначэнні асоб па атрыманых фотаздымках у выпадку немагчымасці своечасова затрымаць парушальніка працуюць таксама і работнікі раённых аддзелаў унутраных спраў г. Віцебска, Полацка, Бешанковічаў і Шуміліна.
За 2019 год фотапасткамі зафіксавана 15 выпадкаў парушэнняў – наведванне лесу ў перыяд забароны, выкідванне смецця ў лясным масіве, незаконныя высечкі, крадзеж лесу са складоў і г. д. У 13 выпадках праведзены прафілактычныя гутаркі з грамадзянамі, што садзейнічала неадкладнаму ўхіленню выяўленых парушэнняў і недапушчэнню шкодных наступстваў, а ў 2 выпадках вінаватыя панеслі заслужанае пакаранне (па-збаўленне волі, штраф).
Неўзабаве лясгас у сваё распараджэнне атрымае яшчэ некалькі такіх скрытных памочнікаў у выяўленні і фіксацыі парушэнняў, якія зоймуць свае працоўныя месцы ў лясах.
Дзмітрый ПАДЛЯШЧУК,
галоўны ляснічы  ДЛГУ “Шумілінскі лясгас”.
Апублікавана ў №90 ад 19.11.2019 г.

Информация

Полезные ссылки

prezident
mlh

flower
sng214

bstu banner_214x117

 

 

 

 

Новости

  1. Шумилинский лесхоз начинает реализацию новогодних деревьев /10.12.2019/
  2. Сколько будут стоить елки и как ухаживать за новогодними деревьями?/06.12.2019
  3. У Шуміліне прайшла раённая спартакіяда работнікаў арганізацый на прызы раённага аб’яднання прафсаюзаў\ 03.12.2019
  4. До Нового года - меньше месяца!/02.12.2019
  5. Праздник приближается!\29.11.2019
  6. Прямая линия в субботу 23 ноября\22.11.2019
  7. Сёлета фотапасткамі Шумілінскага лясгаса зафіксавана 15 выпадкаў парушэнняў\19.11.2019
  8. В субботу, 16 ноября, прямая линия с жителями области\15.11.2019
  9. На улице тёмный ноябрь – время стать заметней!\15.11.2019
  10. Неделя охраны труда\12.11.2019
  11. Сезон охоты на пушнину\04.11.2019
  12. Парадак рэалізацыі дроў насельніцтву ў Шумілінскім раёне\31.10.2019
  13. Шумилинский район принял участие в республиканской акции «Чистый лес-2019″ /22.10.2019
  14. Стартует республиканская акция «За безопасность вместе!»\18.10.2019
  15. У Беларусі 19 кастрычніка пройдзе добраахвотная акцыя “Чысты лес”\17.10.2019

blind